മാറീരി ഞണ്ടേ

തൈതിനംതാരോ - തൈതിനംതാരോ

തൈതിനം -  തൈതിനം - തൈതിനംതാരോ 

കല്ലേലിരിക്കണ  കല്ലോരി   ഞണ്ടേ 

കല്ലേന്നൊട്ടപുറം      മാറീരി   ഞണ്ടേ

തൈതിനംതാരോ - തൈതിനംതാരോ

തൈതിനം -  തൈതിനം - തൈതിനംതാരോ 

കല്ലേലിക്കണ്ടത്തിലാളെറങ്ങട്ടെ 

 കല്ലേന്നൊട്ടപുറം   മാറീരി   ഞണ്ടേ

തൈതിനംതാരോ - തൈതിനംതാരോ

തൈതിനം -  തൈതിനം - തൈതിനംതാരോ 

കല്ലേലിക്കണ്ടം  വെതക്കട്ടെ   ഞണ്ടേ

കല്ലേന്നൊട്ടപുറം   മാറീരി   ഞണ്ടേ

ഇലകൾ പച്ച പൂക്കൾ മഞ്ഞ

നാരങ്ങപ്പാല് - ചൂണ്ടക്കു  രണ്ട
  ഇലകൾ  പച്ച - പൂക്കൾ   മഞ്ഞ

ഓടിവരുമ്പോൾ - കള്ളനെ പിടിക്കാം
അടിക്കാം   പിടിക്കാം - കള്ളനെ പിടിക്കാം

പൂപ്പാട്ട്

പൂവായ   പൂവെല്ലാം - പിള്ളേരറുത്തു 

പൂവാം   കുരുന്നില  - ഞാനുമറുത്തു 

പിള്ളേരുടെ   പൂവെല്ലാം  -  കത്തിക്കരിഞ്ഞേ 

എന്നുടെ   പൂവെല്ലാം  - മിന്നിത്തെള്ളിഞ്ഞേ !

തീ തീ തീ

അയ്യ;ടാ  മനമേ 

തീപ്പെട്ടിക്കോലേ 

ഉരക്കുമ്പം  കത്തും 

ഉരക്കുമ്പം  കാണാം 

തീ തീ തീ.

കുറുമ്പുണ്ണി

ആന  പോകുന്ന  പൂമരത്തി നെറ
ചോടേ  പോകുന്നതാരാടാ?

ആരാനുമല്ല ; കൂരാനുമല്ല ;
കുറ്റിക്കാട്ടുണ്ണി ; കുറുമ്പുണ്ണി !    

വെണ്ണകള്ളൻ

അന്തപ്പൻ  കുന്തപ്പൻ   ആനകള്ളൻ
പച്ചരിക്കഞ്ഞീടെ   പാടകള്ളൻ !

അച്ചുതൻ  കൊച്ചുതൻ കൊച്ചുകള്ളൻ
അയലത്തുകാരുടെ - വെണ്ണകള്ളൻ !

പാട്ടു പാടാം

ഞാനൊരു  പാട്ടു  പഠിച്ചിട്ടൊണ്ട്
കൈതക്കൂട്ടില്  വചിട്ടൊണ്ട്

ചക്കര  തന്നാലിപ്പം  പാടാം
പനയരി   തന്നാൽ   പിന്നെ   പാടാം .

ചേട്ടാ തവിപിടി

ചൊറിക്കുട്ടൻ  കറി   വച്ചി-

ട്ടെനിക്കൊട്ടു  തന്നില്ല .

ചേട്ടാ  തവി  പിടി-കലംനക്കട്ടെ ! 

ചക്കക്കുരു

ചങ്കരൻ പിള്ളയ്ക്കു

മക്കളില്ലാഞ്ഞിട്ട് 

ചക്കക്കുരുവിനെ   ദത്തെടുത്തു 

ചങ്കരൻ  പിള്ളയ്ക്കു 

മക്കളുണ്ടായപ്പം 

ചക്കക്കുരുവിനെ    ചുട്ടുതിന്നു !

ചെമ്പരുന്ത്‌

റാകിപ്പറക്കുന്ന   ചേമ്പരുന്തേ 

നീയുണ്ടോ    മാമങ്കവേല     കണ്ടൂ 

വേലയും   കണ്ടൂ ;  വിളക്കും   കണ്ടൂ 

കടലിൽത്തിര കണ്ടൂ ; കപ്പൽ  കണ്ടൂ !

അപ്പൂപ്പനും അമ്മൂമ്മയും

നാണമുള്ളപ്പൂപ്പനെ - അമ്മൂമ്മ
പാണനെന്നു   വിളിച്ചൂ !

അപ്പൂപ്പനൊന്നടിച്ചൂ  - അമ്മൂമ്മ
മുറ്റത്തലച്ചു  വീണൂ !

പാവയ്ക്ക

ഒന്നാം നാട്ടില്  -  ചെന്നപ്പഴ്‌ 

ഒന്നരവട്ടിപ്പാവയ്ക്ക.....

അമ്മ പറിക്കണോ?  മോളു പറിക്കണോ?

പൊന്നാരമ്പം പാവയ്ക്ക....

കുത്തെടി മങ്കേ - ചേറടി മങ്കേ

പൊന്നാരമ്പം പാവയ്ക്ക....

ഞാൻ കറിവയ്പോം   നീ  കറിവയ്പോം 

പൊന്നാരമ്പം പാവയ്ക്ക!

അണ്ണാറക്കണ്ണാ......

അണ്ണാറക്കണ്ണാ  - തോണ്ണൂറുമൂക്കാ 

അണ്ട്യേപ്പത്ത്    കടംതരുമോ? 

കാക്കച്ചുണ്ടി  - കറുകറച്ചുണ്ടി 

കർക്കടം വന്നതറിഞ്ഞിലോ?